بەڕێوەبەرایەتی پۆلیسی دارستان و ژینگەی پارێزگای سلێمانی ڕایدەگەیەنێت ، دەستیان بەسەر ئامێرێكی بیرهەڵكەندن دا گرتووە لە جۆری بەرینە و هاووڵاتی دەستگیر كران .
بەڕێوەبەرایەتی پۆلیسی دارستان و ژینگەی پارێزگای سلێمانی لە ڕاگەیەنراوێكدا بڵاویكردەوە، دوای ئەوەی لەلایەن پۆلیسی ناوخۆی پێنجوێنەوە ئاگاداركرانەوە، كە لە نێوان سنوری گوندەكانی ( ئەحمەد كلوان و كانی ماسیان ) دەستیان بەسەر ئامێرێكی بیرهەڵكەندن دا گرتووە لە جۆری بەرینە.
ئاماژە بۆ ئەوەشكراوە، كە دەستبەجێ مەفرەزەیەكی بەشی پۆلیسی دارستانی پێنجوێن گەیشتنە شوێنی دیاریكراو ، ئامێرەكە ڕادەستی مەفرەزەكە كراو هەروەها بە فەرمانی دادوەر ( ٢ ) هاووڵاتی دەستگیر كران .
