تێچوی پڕۆسەی حەجی ئەمساڵ لەلایەن بەڕێوەبەرایەتی گشتی حەج و عومڕەی هەرێمی كوردستانەوە دیاریی دەكرێت و بەپێی ڕاگەیەندراوێكیش لەلایەن بەڕێوەبەرایەتییەكەوە، تێچوی هەر حاجیەك چوار هەزار و 500 دۆلارە و وەزارەتیش ئەوقافیش بە بڕی 330 هەزار دینار پاڵپشتی پڕۆسەكە دەكات.
ئەمڕۆ دوو شەممە، بەڕێوەبەرایەتی گشتی حەج و عومرەی هەرێمی كوردستان لە راگەیەندراوێكدا بڵاویكردەوە” ئاگاداری هەمو ئەو هاوڵاتیانە دەكاتەوە ئەوانەی كە ئەمساڵ مافی گەشتكردنیان هەیە بۆ حەج، ئەوا سبەی سێشەممە سەردانی نوسینگەكانی حەج و عومڕە لە پارێزگا و ئیدارە سەربەخۆكان بكەن بەمەبەستی تەواوكردنی مامەڵەكانیان و دانی بڕە پارەی تێچوی حەج كە بۆ هەر حاجییەك بۆ گەشتی ئاسمانی چوار هەزار و 500 دۆلار دۆلارە و بۆ گەشتی وشكانیشش سێ هەزار و 800 دۆلارە، دواكاتیش بۆ وەرگرتنی رۆژی 10ی ئەم مانگەیە”.
هەر لە ڕاگەیەندراوەكەدا هاتووە”دیاریكردنی تێچوی پڕۆسەی حەجی ئەمساڵ لە هەرێمی كوردستان، لە كاتێكدایە كە دەستەی باڵای حەج و عومڕەی عێراقی لە چەند رۆژی رابردودا بە نوسراوی فەرمی تێچوی گەشتی حاجیان بۆ شاری مەدینە و خەرجییەكانی رێگا و مانەوە لە شاری مەدینە و گواستنەوەی ناوخۆیی و گەشتی ئاسمانی و وشكانی بۆ بەرێوەبەرایەتی گشتی حەج و عومڕەی هەرێمی كوردستانی ناردوە هەروەها لەگەڵ تێچوی پڕۆسەی حەج بۆ هەر حاجییەك كە لە لایەن بەرێوەبەرایەتی گشتی حەج و عومڕە لە شاری مەككەی پیرۆز خەرجكراوە كە بە پێی ئەم خشتەیەی خوارەوە ڕون كراوەتەوە”.
بەڕێوەبەرایەتی گشتی حەج و عومرەی هەرێمی كوردستان دەڵێت”تێچوی پرۆسەی حەج بۆ هەر حاجییەك لە شاری مەدینە لە لایەن دەستەی باڵای حەج و عومڕەی عێراق كە دانراوە (ئۆتێلی مەدینە 446 دۆلار) خواردنی مەدینە ($62،$78) سەرپەرشتیاری سعوودی ($446 دۆلار) دامەزاروەی – المطوفین ($1204- $1204) گەشتی ئاسمانی (450 دۆلار) گەشتی وشكانی (187 دۆلار) گەشتی ناوخۆیی لە مەدینە (53- 48 دۆلار)، كرێی حەواڵەی پارە بۆ سعودیە (10 – 10 دۆلار) كۆی خەرجی عیراق لە سعودیە – مەدینە (2671 – 1973 دۆلار)”.
“تێچوی حەج بۆ هەر حاجییەك لە شاری مەككەی پیرۆز كە لەلایەن بەرێوەبەرایەتی گشتی حەج و عومڕە خەرجكراوە، ئۆتێلی مانەوەی حاجیان لە شاری مەككە (1300 – 1300 دۆلار) خواردنی حاجیان لە شاری مەككە (380 – 380 دۆلار) خەرجی جۆراو جۆر (229 – 229 دۆلار) كۆی خەرجی لە سعودیە – مەككە (1900 – $1900″، ئەمەش لە ڕاگەیەندراوەكەدا ئاماژەی پێكراوە.
بەڕێوەبەرایەتی گشتی حەج و عومرەی هەرێمی كوردستان بەپێویستی دەزانێت” بۆ هاوڵاتیانی ڕونبكاتەوە كە تێچوی هەر حاجییەك بەرێگای گەشتی ئاسمانی (4571) دۆلار بووە بە پاڵپشتی وەزارەتی ئەوقاف و كاروباری ئایینی، بووە (4500) دۆلار هەروەها تێچوی حەجی وشكانی (3873) دۆلار بووە بە پاڵپشتی حكومەتی هەرێمی كوردستان بووەتە (3800) دۆلار”.
