بڕیارە ئەمڕۆ یەك شەممە عودەی عەواد ئەندامی پەرلەمانی عێراق سكاڵا لەسەر بانكی ناوەندی عێراق تۆمار بكات لەسەر كەیسی داهاتی نەوتی هەرێمی كوردستان.
بەپێی هەواڵی ئاژانسەكانی عێراق، عودەی عەواد ئەندامی پەرلەمانی عێراق ئاشكرایكردووە، ئەمڕۆ یەك شەممە لە دادگەی فیدڕاڵی سكاڵا لەسەر بانكی ناوەندی عێراق تۆمار دەكات بەهۆی ئەوەی ڕەزامەندی داوە داهاتی نەوتی هەرێمی كوردستان لە بانكێكی ئەهلی دابنرێت.
عەواد دەڵێت: ئەو بڕیارە پێشێلكردنی یاسا و ڕەواییدانە بە دزینی داهات و پارەی گەلی عێراق.
