میر حازم تەحسین بەگ، میری ئێزدییانی كوردستان و جیهان، لەبارەی هێرشكردنە سەر مزگەوتێك لەشەنگال روونكردنەوە دەدات و دەڵێت” ئەوە ئەخلاقی ئێمە و ئێزدیی نییە هێرش بكەینە سەر مزگەوت”.
بەپێی ڕوونكردنەوەیەك كە ئەمڕۆ هەینی لەلایەن میر حازم تەحسین بەگ، میری ئێزدییانی كوردستان و جیهان بڵاوكرایەوە” هەواڵی هێرشكردنەسەر و سووتانی مزگەوت لە شنگال بە هەموو شێوەیەك رەتدەكەینەوە”.
بە وتەی میری ئێزدییانی كوردستان و جیهان”ئەوە ئەخلاقی ئێمە و ئێزدیی نییە هێرش بكەینە سەر مزگەوت”.
میر حازم تەحسین بەگ دەڵێت”كاتێك داعش هێرشی سەر شنگال و ئێزدییەكانی كردووە و موسڵمانان دەرگای مزگەوتەكانیان بۆ كردوونەتەوە و كەمتەرخەمییان نەكردووە، ئەوە لە ئەخلاقی ئێزدییەكان و میری ئێزدییدا نییە مزگەوت بسووتێنین و هێرشی بكەنەسەر”.
دوێنێ پێنج شەممە لەقەزای شنگال ژمارەیەك لە كوردانی ئێزیدی وەك ناڕەزایی بەرامبەر بەگەڕانەوەی عەرەبە سوننەكان بۆ قەزاكە خۆپیشاندانیان كرد و هێرشیان كردە سەر یەكێك لەمزگەوتەكانی شنگال و چەند كەلوپەلێك و دەرگای مزگەوتەكەیان شكاند.
