كەشناسێكی عێراقی پێشبینی هاتنەبەری بارستەهەوایەكی سارد دەكات كە لە زاخۆوە بەرەو باشووری عێراق دەجوڵێت و هەموو ناوچەكان دەگرێتەوە، بە بۆچوونی كەشناسەكە، لە هەینی داهاتووەوە دەستپێدەكات و تا چوارشەممە، ئەمەش ئاماژەیە بۆ ئەوەی پلەكانی گەرما لە باشوور 5 پلە داببەزن .
ڕیاز قورەیشی كەشناسی عێراقی لە لێدوانێكی ڕۆژنامەوانیدا ڕایگەیاند:”لە ئێوارەی هەینی داهاتووەوە، وڵات وردە وردە دەكەوێتە ژێر كاریگەریی بارستەهەوایەكی سارد كە لە ناوچەكانی زاخۆوە دەستپێدەكات و دواتر بەرەو شارەكانی سلێمانی و دهۆك و هەولێر و نەینەوا دەجوڵێت، پاشان پارێزگاكانی ناوەڕاست و باشوور دەگرێتەوە و تا ئێوارەی چوارشەممە بەردەوام دەبێت”.
بە وتەی ئەو كەشناسە عێراقییە “ڕەنگە دابەزینی پلەكانی گەرما لە شارەكانی باشوور بگاتە 5 پلە، لە كاتێكدا نزمترین پلە لە شارەكانی زاخۆ، سلێمانی، دهۆك و نەینەوا دەبێت كە دەگاتە 15 پلەی سەدی”.
ڕیاز قورەیشی دەڵێت “ئەو بارستەهەوایە نزمە پاڵەپەستۆیەكی هەوای لەگەڵدا دەبێت كە دەبێتە مایەی بارینی نمە باران لە شارەكانی دهۆك و هەولێر و سلێمانی، بەڵام ڕێژەی بارانبارینەكە لە دهۆك دەبێت.
