لە چوارچێوەی كێبڕكێی خولی تۆپی پێی نایابی عێراق، یانەی شورتە توانی لە یانەی هەولێر بباتەوە.
یانەی شورتە بە دوو گۆڵ بەرامبەر بە گۆڵێك لە یارییەكەدا براوە بوو كە ئەمڕۆ سێ شەممە لە یاریگای نێودەوڵەتی شەعب لە بەغدا بەڕێوەچوو.
بەو بردنەوەیە یانەی شورتە بە كۆكردنەوەی 51 خاڵ و بە جیاوازی خاڵێك لەگەڵ یانەی زەورا، بووە یەكەمی ڕیزبەندی خولی نایابی عێراق و یانەی هەولێریش بە 32 خاڵ لە پلەی دوانزەدا مایەوە.
