زانایانی پەیمانگای جیۆفیزیای كرداری ڕایانگەیاند، لە ماوەی ٢٤ کاتژمێری ڕابردوودا گەردەلوولێكی موگناتیسی لە ئاستی “جی 4” واتە (زۆر بەهێز) لەسەر زەوی تۆمارکراوە.
بەپێی وتەی زانایان، چاوەڕوان دەكرێت بەهۆی لێكەوتە و كاریگەرییەكانی گەردەلوولە موگناتیسییەكەوە، گرفت و بارگرژی بۆ بواری پەیوەندییە بێتەلە نزمەكان لە ڕێگەی مانگە دەستكردەكانەوە دروست ببێت.
ڕوونیشیان كردۆتەوە، “بەهۆی دروست بوونی بارگرژی لە كایەی موگناتیسیی زەویدا دروست دەبێت و هۆكاری ئەمەشیان تیشكی گەشاوەی خۆرە، كە گەردیلەكانی بەر بەرگەهەوای زەوی دەكەون و ئەو دۆخە دێتەئاراوە”.
ئەو زانایانە وتوشیانە، “گەردەلوولی موگناتیسی 5 ئاستی هەیە، لە (جی 1)ەوە دەستپێدەكەن و بەهێزترینیان پلەی (جی 5)ە و دەكرێت گەردەلوولەكە چەند كاتژمێرێك تا چەند ڕۆژێك بخایەنێت”.
لە ئەنجامی دروستبوونی گەردەلوولی موگناتیسیدا، كازیوەی جەمسەری دروست دەبێت، كە دانیشتووانی چەند ناوچەیەكی جیهان وەك ناوەڕاستی ڕوسیا و شاری مۆسكۆ دەتوانن لە ئاسۆدا بیبینن.
