بەهۆی پابەندنەبون بەمەرج و رێنماییەكانی كاركردن، لیژنە هاوبەشەكانی قائیمقامیەتی سلێمانی فڕنی كولێرەی شیمال لەگەڕەكی سەرچنار دادەخات.
ئەمڕۆ شەممە، لەدرێژەی هەڵمەتە هاوبەشەكانی قائیمقامیەتی سلێمانی لەرۆژانی جەژنی ڕەمەزانی پیرۆزدا بۆ دوكان و بازاڕ و شوێنە گشتییەكان دەركەوتووە، كە فڕنی كولێرەی شیمال پابەندنی مەرج و ڕێنماییەكانی تەندروستی نابێت.
یەكێكی دیكە لەسەرپێچییەكانی فڕنی كولێرەی شیمال، كۆگاكردنی پێداویستییەكانی لە توالێت و شوێنی نەشیاودا تێبینی كراوە، بەفەرمانی قائیمقامی سلێمانی دەستبەجێ دادەخرێت و خاوەنەكەشی ڕووبەڕووی رێكاری یاسایی دەكرێتەوە.
لەكاتی هەبونی گومان یان بۆ گەیاندنی سكاڵا و زانیاری بەقائیمقامیەتی سلێمانی و لیژنە هاوبەشەكان، پەیوەندی بە ژمارە مۆبایلی (07708677777)ـەوە بكەن.
