بەپێی ڕاپۆرتی ڕێكخراوی تەندروستی جیهانی كە، ئەمڕۆ هەینی بڵاوكرایەوە، بەهۆی ئەو شەڕ و پێكدادانانەی لە ناوەڕاستی ئەم مانگەوە لە سودان سەریهەڵداوە، زیاتر لە 400 كەس كوژراون و زیاتر لە 3500 كەسیش برینداربوون.
مارگریت هاریس، وتەبێژی ڕێكخراوی تەندروستی جیهانی لە كۆنفرانسێكی ڕۆژنامەوانی لە جنێڤ ڕایگەیاند:” 413 كەس كوژراون و 3551 كەسیش برینداربوون”.
لای خۆیەوە جەیمس ئەڵدەر، وتەبێژی سندوقی نەتەوە یەكگرتووەكان بۆ منداڵان (یونیسێف) كە بەشداری لە كۆنفرانسە ڕۆژنامەوانییەكەدا كرد، ڕایگەیاند “لانی كەم نۆ منداڵ لە شەڕەكەدا كوژراون و زیاتر لە پەنجا منی تر برینداربوون”.
