لیژنەی عەلوەی قائیمقامیەتی سلێمانی ڕایدەگەیەنێت ، بەهۆی خراپی و نەشیاوی بۆ خواردن، قائیمقامیەتی سلێمانی (400) كیلۆگرام شلك لەناودەبات.
لیژنەی عەلوەی سەر بە لیژنە هاوبەشەكانی قائیمقامیەتی سلێمانی بڵاویكردەوە، كە لە راپۆرتی ئەمڕۆ پێنجشەممە 20ی 4ی 2023 لیژنەكەیان ئاماژە بۆ ئەوە كراوە، كە بەهۆی خراپبون و نەشیاوی بۆ خواردن، لیژنەكە لە عەلوە دەستی بەسەر (400) كیلۆگرام شلك دا گرتووە، كە خاوەنەكەی بەنیازبووە لەبازاڕدا بەسەر هاووڵاتیاندا ساغی بكاتەوە.
ئاماژە بۆ ئەوەشكراوە، كە بەفەرمانی قائیمقامی سلێمانی لەناوچەی دەرەوەی نیشتەجێبوون تەواوی “شلك”ەكە لەناودەبرێت و خاوەنەكەشی روبەڕوی رێكاری یاسایی دەكرێتەوە.
