” تا بەهاری داهاتوو دەبێت سیستمی نەخۆشخانەکان بکرێتە ئەلکترۆنی”


تەندروستی سلێمانی رایگەیاند، بۆ کەمکردنەوەی رۆتین لە تەندروستی سلێمانی هەنگاودەنرێت بۆ بەئەلیكترۆنی كردنی سیسیتمی تەندروستی لە شارەکە.

بەڕێوەبەرایەتی گشی تەندروستی سلێمانی لە راگەیەندراوێکدا دەڵێت:”بەڕێوەبەری تەندروستی لەگەڵ بەڕێوەبەری نەخۆشخانەکانی سلێمانی کۆبووەوە بەمەبەستی بە ئەلیكترۆنی كردنی كاروباری ڕۆژانەی نەخۆشخانەكان و دەستپێكی ئەم كارەش لەچوار بواردا دەست پێدەكات و بوارەكانی ئامار و دەرمان و بواری تاقیگەیی لەگەڵ پێداویستی تاقیگەكان دەكرێن بە ئەلیكترۆنی”.

تەندروستی دەشڵێت:” ئامانجی ئەو پرۆژەیە بۆ كەمكردنەوەی رۆتین و برەودانە بە بەرێوەبردنی نەخۆشخانەكان و كۆنترۆڵكردنی هەر زانیارییەك و بڕی پێویستی دەرمان بۆ نەخۆشخانەكان و بە ئەلیكترۆنی كردنی كۆگای دەرمان”.

بەگوێرەی راگەیەندراوەکە بەرێوبەری گشتی تەندروستی سلێمانی ئامادەبووانی كۆبونەوەكەی ڕاسپارد زۆر بەجدی كاری لەسەر بكەن بۆئەوەی بتوانن لەسەرەتای وەرزی بەهاری داهاتوو بە ئەلیكترۆنی كردنی هەموو نەخۆشخانە و سەنتەرەكان تەواو بووبێت .

لە راگەیەندراوەکەدا هاتووە کە بڕیارە دوای بەئەلیكترۆنی كردنی ئەو چواربەشە دەست بكرێت بەئەلیكترۆنی كردنی كاروبارە كارگێڕییەكان و كارە ژمێریارییەكان لەقۆناغی داهاتوودا.

 

 

 

3000 هەزار کەس دادەمەزرێندرێن
پێشت 3000 هەزار کەس دادەمەزرێندرێن
خالید شوانی: لیژنەی باڵای جێبەجێكردنی مادەی 140 درووستكرایەوە
دواتر خالید شوانی: لیژنەی باڵای جێبەجێكردنی مادەی 140 درووستكرایەوە
پەیوەندیدار