وەزارەتی بازرگانی عێراق ڕایدەگەیەنێت، ئامادەكارییەكان بۆ پێدانی سێیەم سەبەتەی خۆراك تەواو بووە و دەست بە دابەشكردنی دەكرێت.
بەپێی بەیاننامەیەك كە لەلایەن وەزارەتی بازرگانی عێراقەوە بڵاوكرایەوە”ئامادەكارییەكانی پێدانی سێیەم سەبەتەی خۆراك بە هاوڵاتیان تەواو بووە و ماددە خۆراكییەكانیش لە هەشت ماددە پێكدێن”.
لە بەیاننامەكەی وەزارەتی بازرگانی عێراقدا هاتووە”ماددەكانی سێیەم سەبەتەی خۆراك لەڕووی جۆر و بڕەوە باشبوونی بەخۆوە بینیوە و بۆ هەركەسێكیش پێكدێت لە یەك كیلۆگرام شەكر، یەك لیتر زەیت، سێ كیلۆگرام برنج 400 گرام دۆشاوی تەماتە و نیوكیلۆ گرام نیسك و نیو كیلۆگرام لەتكەنۆك”.
پێشتر ئەسیر داود سەلمان غەرێری، وەزیری بازرگانی عێراق ڕایگەیاندبوو، كارمەندانی كۆمپانیای گشتی بازرگانی خۆراك لە بەغدا و لقەكانی تری پارێزگاكان، بەردەوامن لە دابینكردنی پێكهاتەكانی سەبەتەی خۆراك بۆ هاوڵاتیان.
