زانایان ڤایرۆسێکی هاوشێوەی کۆرۆنایان لە شەمشەمەکوێرە لە باشووری چین دۆزیەوە و ڕایدەگەیەنن، یەکێکە لەو 5 ڤایرۆسەی ئەگەری هەیە لە شەمشەمەکوێرەوە بۆ مرۆڤ بگوازرێتەوە.
ڤایرۆسەکە بە BtSY2 ناسراوە، پەیوەندییەکی نزیکی بە ڤایرۆسی سارس-کۆڤ-2 هەیە، کە دەبێتە هۆی کۆڤید-19.
زانایان ڕایانگەیاندووە، ئەو ڤایرۆسە “یەکێکە لە 5 ڤایرۆسە نیگەرانکەرەكان” کە لە شەمشەمەکوێرەکاندا لە سەرانسەری پارێزگای لیونانی چین دۆزراوەتەوە و ئەگەری تووشبوونیان بە مرۆڤ یان ئاژەڵ هەیە.
توێژینەوەکە لەلایەن توێژەرانی زانکۆی سون یات سێنی چین و پەیمانگای لیونان بۆ کۆنتڕۆڵکردنی نەخۆشییە ئیندێمیکەکان و زانکۆی سیدنی ئوسترالیا ئەنجامدراوە.
تیمەکە لە توێژینەوەکەدا دەڵێن: “ئێمە 5 جۆری ڤایرۆسمان دەستنیشان کردووە، کە ئەگەری تووشبوونیان بە مرۆڤ یان ئاژەڵ هەیە. لەوانە ڤایرۆسێکی نوێی هاوشێوەی سارسە، كە پەیوەندییەکی نزیکی هەیە بە هەردوو جۆری سارس-کۆڤ-2 و سارس-کۆڤ 50”.
زاناکان نمونەیان لە 149 شەمشەمەکوێرە کۆکردەوە، كە 15 جۆرن لە 6 پارێزگا یان شاری سەر بە لیۆنان-نی چین. (کە لە خانە زیندووەکاندا هەیە) دەرهێنرا و بە تاک بۆ هەر شەمشەمەکوێرەیەک ڕێکخرا و ئەوەی جێگەی نیگەرانییە، زانایان سەرنجیان داوە، کە ڕێژەیەکی بەرزی بڵاوبوونەوەی چەندین ڤایرۆس لە یەک شەمشەمەکوێرەدا لە یەک کاتدا هەیە.
