لە دەربەندیخان دوای ئەوەی منداڵێكی تەمەن هەشت مانگ لاستیكێكی قوت داوە و بەو هۆیەوە هەناسەی گیراوە، بە هەوڵی پزیشكان لە مردن ڕزگار كرا.
بەڕێوەبەرایەتی گشتی تەندروستی سلێمانی بڵاویكردووەتەوە، منداڵێكی تەمەن ٨ مانگ گەیەنرایە بەشی فریاكەوتنی نەخۆشخانەی گشتی شەهید تۆفیق لەدەربەندیخان كە بەهۆی قوتدانی پارچەیەك لاستیكەوە ڕێڕەوی هەناسەی گیرابوو.
ئاماژە بە ئەوەش كراوە، لە ماوەیەكی زۆر كەمدا لەلایەن پزیشكان و كارمەندانی بەشی فریاكەوتنەوە كاری پزیشكی پێویستی بۆ ئەنجامدراو توانرا لە خنكان ڕزگار بكرێت و هەناسەی بۆ بگەڕێتەوە.
باس لە ئەوەش كراوە، ئێستا تەندروستی منداڵە هەشت مانگەكە ئاسایی بووەتەوە.
