بوومەلەرزەیەكی بەهێز بە گوڕی 4 پلە بە پێوەری ڕێختەر شاری قەهرەمان ماڕەشی لە باكووری كوردستان هەژاند.
سەرۆكایەتی ئیدارەی كارەسات و فریاكەوتن (ئافاد)ی توركیا لە ڕاگەیەنراوێكدا ئاماژەی بەوەكردووە، سەنتەری بوومەلەرزەزانی شارۆچكەی گۆكسون بوومەلەرزەیەكی نوێی تۆمار كردووە لە قوڵایی 10 كیلۆمەتر.
ڕاشیگەیاندووە، بوومەلەرزەكە بە هێزی 4 پلە بە پێوەری ڕێختەر بووە و ولایەتی قەهرەەمان ماڕەشی هەژاندووە.
لە مانگی شوباتی ساڵی ٢٠٢٣دا بوومەلەرزەیەک لە شاری قەهرەمان ماڕەشی هەژاند و گوڕی ٧.٨ پلە بە پێوەری ڕێختەر و ناوەندەکەی لە ڕۆژئاوای شاری غازی عەنتاب بوو، کاریگەرییەکانی بۆ سوریاش درێژبووەوە. ژمارەی قوربانیانی ئەم دوو بوومەلەرزەیە لە تورکیا و سوریا گەیشتە زیاتر لە 51 هەزار کوژراو و 120 هەزار بریندار و زیانێکی ماددی گەورەی لە هەردوو وڵات بەجێهێشت.
