بەڕێوەبەرایەتی ئۆپەراسیۆنەكانی دەزگای ئاسایشی هەرێم ڕایدەگەیەنێت، باندێك لە پارێزگای سلێمانی كە تۆمەتبارن بە بەكارهێنان و بازرگانیكردن بە مادەی هۆشبەرەوە دەستگیركرد .
بەڕێوەبەرایەتی ئۆپەراسیۆنەكانی دەزگای ئاسایشی هەرێم لە ڕاگەیەنراوێكدا بڵاویكردەوە، كە پاش دەستكەوتنی زانیاری لەسەر باندێك لە پارێزگای سلێمانی، كە تۆمەتبارن بە بەكارهێنان و بازرگانیكردن بە مادەی هۆشبەرەوە، هێزەكانیان دوای رەزامەندی دادوەری ئاسایش، لێكۆڵینەوەی وردی دەستیپێكرد و رۆژی هەینی ٧ / ٤ / ٢٠٢٣ لە هەڵمەتێكدا بە هاوكاری بەڕێوەبەرایەتی مادەهۆشبەرەكان ٣ تۆمەتباری باندەكە دەستگیكران.
ئاماژە بۆ ئەوەشكراوە، كە تۆمەتبارەكان لە كاتی مامەڵەكردن و كڕین و فرۆشتندا بوون، كە بڕی ٧٨١ غرام مادەی كریستاڵی سپیان پێبووە و دەستی بەسەردا گیراو تۆمەتباران رووبەڕووی یاسا كرانەوە .
