ئەمڕۆ یەك شەممە كاتژمێر چواری ئێوارە نرخی بەنزین دادەبەزێنرێت.
بەهمەن قادر وتەبێژی بەنزینخانەكانی سلێمانی بۆ (خەڵك) رایگەیاند، ئێوارەی ئەمڕۆ نرخی بەنزین جارێكی دیكە دادەبەزێنرێت.
راشیگەیاند، بۆ هەموو جۆرەكانی بەنزینی سۆپەر و موحەسەن و نۆرمال بۆ یەك لیتر 25 دینار دادەبەزێنرێت.
نرخەكان
سۆپەر: لە 1275 دینارەوە دەبێت بە 1250 دینار
موحەسەن: لە 1125 دینارەوە دەبێت بە 1100 دینار.
نۆرماڵ: لە 925 دینارەوە دەبێت بە 900 دینار.
لەبارەی هۆكاری دابەزینی نرخی بەنزینەوە وتەبێژی بەنزینخانەكانی سلێمانی رایگەیاند، هۆكارەكەی دەگەڕێتەوە بۆ بەنزینی 690 دیناری كە عێراق دەینێرێت و خواستی لەسەر بەنزینی بازرگانی لاوازكردووە.
