نرخی نەوت بۆ جاری سێیەم لەسەر یەک لەم هەفتەیەدا بەرزبوونەوەی تۆمارکرد، ئەمەش دوای ئەوەی بازاڕەکانی نەوتی خاو کاریگەرییان لەسەر بوو بەهۆی بڕیارە لەناکاوەکەی هاوپەیمانی “ئۆپیک +” بۆ کەمکردنەوەی بەرهەمهێنان، ئەمە جگە لە دابەزینی عەمبارەکانی ئەمریکا.
ڕۆژی دوو شەممەی ڕابردوو بەرزترین بەرزبوونەوەی نرخی نەوت لە ساڵێکدا تۆمارکرا بە ڕێژەی 6.3%، ئەوەش دوای بڕیارەکەی ڕێکخراوی وڵاتانی هەناردەکاری نەوت و هاوپەیمانەکانی بۆ کەمکردنەوەی زیاتر لە یەک ملیۆن بەرمیل بەرهەمی ڕۆژان،ە کە لە مانگی ئایارەوە دەستپێدەکات، هەربۆیە سعودیە نرخی فرۆشتنی نەوتی بە کڕیارەکانی لە ئاسیا بەرزکردۆتەوە.
نرخی نەوتی خاو بەڕێژەی 26% لە نزمترین ئاستی خۆیەوە بەرزبووەوە لە کاتی مامەڵەکردندا لە ناوەڕاستی مانگی ئازاردا، کاتێک قەیرانی بانکی بووە هۆی بەرزبوونەوەی سەروەت و سامانی مەترسیدار. بەڵام لە ڕاستیدا نرخەکان بە هۆی زیادبوونی خواستی چینی بۆ سووتەمەنی و لاوازی دۆلاری ئەمریکی بوو کاتێک هاوپەیمانی “ئۆپێک +” دەستوەردانی کرد بە کەمکردنەوەی بەرهەمهێنان.
ئەمڕۆ هەینی 7ی نیسان، جارێكی دیكە نرخی نەوتی خاو بە ڕێژەی 0.088% و بە بڕی 71 سەنت بەرزبۆتەوە و نرخی بەرمیلێك نەوتی برێنت بووە بە 80 دۆلار و 97 سەنت.
