ینس ستۆڵتنبێرگ، سكرتێری گشتی هاوپەیمانی باكووری ئەتڵەسی “ناتۆ” ڕایدەگەیەنێت، ڕۆژی سێ شەممە فینلەندا بە فەرمی دێتە پاڵ هاوپەیمانی ناتۆ.
بەپێی بەیاننامەیەك كە لەلایەن ستۆڵتنبێرگەوە بڵاوكرایەوە”فنلەندا لە سبەینَی سێ شەممەوە دەبێتە ئەندامێكی تەواوی هاوپەیمانییەكە و بەشداری لە سەرجەم كۆبوونەوەكانیدا دەكات”، ئاماژەی بە پێشكەشكردنی هێزی مەشقپێكراو و كەرەستە و ژمارەیەكی زۆری هێزی یەدەگ كرد لەلایەن فنلەنداوە بە هاوپەیمانی ناتۆ.
سكرتێری گشتی ناتۆ دەڵێت”سنوورە وشكانییەكانمان لەگەڵ ڕووسیدا دەبێتە دوو هێندە لەگەڵ هاتنەناوەی فنلەندا بۆنێو هاوپەیمانییەكە”، ڕەتیشیكردەوە هیچ گۆڕانكارییەكیان بەدی كردبێت لەڕووی جموجۆڵە ئەتۆمییەكانی ڕووسیا و وتی:”بەڵام بە وریاییەوە چاودێری ڕەوشەكە دەكەین”.
