بەڕێوەبەرایەتی هاتووچۆی هەولێر ڕایدەگەیەنێت، لەسەر شەقامی150 مەتری 3 ئۆتۆمبێل پێكیاندادا،لە ئەنجامی ڕووداوەكە 2 هاووڵاتی بە سەختی برینداربوون و ڕوداوەكەش بەكردنەوەی دەرگای لای شەقامی یەكێك لەئۆتۆمبێلەكان دروست بووە .
فازل حاجی ، وتەبێژی بەڕێوەبەرایەتی هاتووچۆی هەولێر ڕایگەیاند، كاتژمێر3:10خولەكی پاش نیوەرۆی ئەمڕۆ لەسەر شەقامی 150مەتری 3 ئۆتۆمبێل پێكیاندادا،بەهۆی ڕووداوەكەوە 2 كەس بەسەختی برینداربوون .
ڕاشیگەیاند، سەرەتای ڕووداوەكەش بە كردنەوەی دەرگای لای شەقامی یەكێك لەئۆتۆمبێلەكان دروست بووە و لەدوای ئەوەی پەكی كەوتووە، بێ ئاگا دەرگاكەی كردۆتەوە و بێ ئەوەی سەیری ئاوێنەكانی بكات .
ئاماژەی بۆ ئەوەشكردووە، كە لەگەڵ كردنەوەی دەرگا بەئۆتۆمبێلێكی ڕۆیشتوو كەوتووە، كەلەلای چەپی ڕۆیشتووە،لەدەرەنجامیش ئوتومبێلەكە كۆنترۆلی لەدەستداوەو بەر ئۆتۆمبێلێكی تر كەوتووە.
