سەرۆك وەزیرانی عیراق پاڵاوگەی ستراتیژی كەربەلای كردەوە، وەزیری نەوتیش دەڵێت،”ئۆكتانی ئەو بەنزینەی لە پاڵاوگەكە بەرهەمدەهێندرێت دەگاتە 95″.
محەمەد شیاع سوودانی، سەرۆكوەزیرانی عیراق ئەمڕۆ شەممە 2023/4/1 پاڵاوگەی ستراتیژی كەربەلای كردەوە كە رۆژانە توانای پاڵاوتنی 140 هەزار بەرمیل نەوتی هەیە.
هاوكات حەیان عەبدولغەنی، وەزیری نەوتی بۆ میدیاكان ئاشكراشیكرد، ئۆكتانی ئەو بەنزینەی لە پاڵاوگەكە بەرهەم دەهێندرێت دەگاتە 95 و هەروەها پاڵاوگەكە 200 مێگاوات كارەبا بەرهەم دەهێنێت، كە 60 مێگاواتی دەچێتە تۆڕی كارەبای نیشتمانییەوە.
