وتەبێژی فەرماندەی گشتی هێزە چەكدارەكانی عیراق ڕایدەگەیەنێت ، دەزگای بەرەنگاربوونەوەی تیرۆر (4) تیرۆریستیان لە پارێزگاكانی بەغدا و سەڵاحەدین و كەركوك دەستگیر كردووە .
لیوا یەحیا ڕەسووڵ، وتەبێژی فەرماندەی گشتی هێزە چەكدارەكان ئەمڕۆ یەكشەممە 27-11-2022 دەستگیركردنی (4) تیرۆریستی لە پارێزگاكانی بەغدا و سەڵاحەدین و كەركوك ڕاگەیاند.
هاوكات لە ڕاگەیەندراوێكدا ئاماژەی بۆ ئەوەشكردووە، كە بەپێی ڕێنماییەكانی فەرماندەی گشتی هێزە چەكدارەكان و بە هەوڵێكی هەواڵگریی بەردەوام، دەزگای بەرەنگاربوونەوەی تیرۆر توانیویەتی لە سێ ئۆپەراسیۆنی تایبەت ئەو كارە ئەنجام بدات.
ئەوەشخراوەتەڕوو، ئەو ئۆپەراسیۆنانە بووە هۆی دەستگیركردنی (4) ئەندامی چەتەكانی تیرۆریستی داعش لە پارێزگاكانی (بەغدا- سەڵاحەدین- كەركوك).
