بۆ رۆژانی نەورۆز ٥٠٥ تۆن گۆشتی سوور ڕەوانەی بازاڕەكانی سلێمانی كراوە و بەهۆی نەشیاویشەوە 550 كیلۆگرام گۆشت ڕەتكراوەتەوە.
شاڵاو عارف بەڕێوەبەری كوشتارگەی سلێمانی بە(خەڵك)ی ڕاگەیاند، لەماوەی پێنج رِۆژی بەر لە جەژنی نەورۆز تاوەكو دوێنێ، بڕی ٢١١ تۆن و ٧٥٠ كیلۆگرام گۆشتی ئاژەڵی بچووك و ٢٩٤ تۆن گۆشتی ئاژەڵی گەورە ڕەوانەی بازاڕەكانی سلێمانی كراوە.
ئەوەشی وت، سەرجەم ئەو گۆشتانەی ڕەوانەی بازاڕەكان كراون لە ڕووی تەندروستی و بەهای خۆراكییەوە شیاو بوون بۆ خواردن.
دەشڵێت، یەك تۆن و ٥٥٠ كیلۆگرام گۆشتریش ڕەتكراوەتەوە كە لە رووی تەندروستی و بەهای خۆراكییەوە بۆ خواردن شیاو نەبوون.
گۆشتی سوور، لە لای هاووڵاتییانی هەرێمی كوردستان خواستێكی زۆری لەسەرە بەتایبەت لە بۆنەكاندا.
ساڵانە لەكاتی بۆنەكاندا نرخی گۆشتی سوور لە بازاڕەكانی هەرێم بەرز دەبێتەوە و ئێستاش كە نەورۆز و مانگی ڕەمەزان پێكەوەن، نرخی یەك كیلۆ گۆشتی سوور 20 هەزار دیناری تێپەڕاندووە.
