هاتووچۆی سلێمانی ئاماری رووداوه‌كانی هاتووچۆ له رۆژانی نه‌ورۆزدا بڵاوکردەوە و رایگەیاند، لە ماوەی سێ ڕۆژدا لە ناو و دەرەوەی شار تەنها پێنج ڕووداوی هاتووچۆ تۆمارکراوە وە لە کۆی ئەو ڕوداوانە ٢٤ هاووڵاتی بریندار بوون و هیچ حاڵەتێکی گیان لە دەستدان تۆمار نەکراوە
هاتووچۆی سلێمانی هۆکاری ڕووداوەکان بە پێی کەشف و هێڵکاری کە لەلایەن ئەفسەرانی هاتووچۆ ڕێکخراوە بۆ ئەم خاڵانە دەگەرێنێتەوە.
١-کەش و هەوای نەورۆزی ئەمساڵ زیاتر باراناوی بوو وە ئەگەری خلیسکان و خزینی سەر شەقام زیاترە کە پێویستە شۆفێران بە باشی خوێندنەوە و مامەڵەیان هەبێت لەگەڵ کەش و هەواو و شەقامەکاندا.
٢- هۆکار خێرایی زۆر و پابەند نەبوون بە یاسا و رێنماییەکانی هاتوچۆ
٣-بە پێی هێڵکارییەکان لە هەندێک رووداو دەرکەوتوە کە سەرنشینی زیادە لە ئۆتۆمبێلەکانیاندا هەبووە لەو ڕێژەیەی کە یاسا ڕێگەی پێداوە
٤-بە کارنەهێنانی پشتێنی سەلامەتی بووە لە لایەن شۆفێر و سەرنیشینی ناو ئۆتۆمبێلەکانەوە کە کارێکی سەرپێچی یاسایی و مەترسیدارە.
