وەزیری بەرگری عیراق لەپێناو كارامەیی ئەفسەرانی سوپا كێش و لەش و لارێكی ڕێكی كردە مەرجی سەرەكی پلە بەرزكردنەوەی ئەفسەران به بەبێ چاوپۆشیکردن لە هیچ کەسێک.
سابت محەمەد عەباسی، وەزیری بەرگری عیراق لە ڕاگەیەنراوێكدا بڵاویكردەوە، مەرجی سەرەكی پلەبەرزكردنەوەی ئەفسەرانی بوێری سوپای عیراق كێش و لەش و لارێكی ڕێكە، بە پێی تاوانیای تایبەتمەندی، ئەو مەرجە نوێیەش بۆ بەرزکردنەوەی توانا و لیاقەی ئەفسەرانە.
ڕاشیگەیاندووە، بڕیارەكە سەرجەم ئەفسەرانی سوپای عیراق دەگرێتەوە بەبێ جیاوازی، بە لەبەرچاوگرتنی ئەو بارودۆخە پزیشكیانەی، كە بەپێی ڕاپۆرتە پزیشكییە فەرمییەكان سەلمێنراون.
