لە پاركی هەواری شار لە سلێمانی ئاگری نەورۆز لەلایەن سەرۆك كۆماری عێراق و سەرۆكی پەرلەمانەوە دەكرێتەوە.
پەیامنێری (خەڵك) لە سلێمانی ڕایگەیاند، دوانیوەڕۆی ئەمڕۆ محەمەد حەلبوسی، سەرۆكی پەرلەمانی عێراق گەیشتۆتە سلێمانی و لەگەڵ لەتیف ڕەشید، سەرۆك كۆمار و بەشێكی بەرپرسانی عێراق و هەرێم بەشداری كەرنەڤاڵی نەورۆزی سلێمانی دەكەن.
ڕاشیگەیاند، دوانیوەڕۆی ئەمڕۆ لە پاركی هەواری شار سەرۆك كۆمار و سەرۆكی پەرلەمان ئاگری نەورۆز دەكەنەوە و چەندین چالاكی دیكە بەڕێوەدەچێت.
هاوكات بڕیارە ئێوارەی ئەمڕۆ لە شاخی گۆیژە مەشخەڵی ئاگری نەورۆز بە بەشداری 300 گەنج بەرزبكرێتەوە.
