دادگای تاوانی نێودەوڵەتی بە تۆمەتی ئەنجامدانی جەنگ لە کاتی داگیرکردنی ئۆکرانیا فەرمانی دەستگیرکردنی بۆ ڤلادیمێر پۆتین سەرۆکی ڕوسیا دەرکرد
دادگای تاوانی نێودەوڵەتی لە راگەیەندراوێکدا ئاماژەی بەوەکردووە کە ڤلادیمێر پوتین سەرۆکی ڕوسیای فیدڕاڵ تۆمەتبارە بە تاوانی جەنگ بەهۆی ڕاگواستنی خەڵکی و منداڵ لە ئۆکرانیاوە بۆ ڕوسیا و کە لە 24ی شوباتی 2022 ئەنجامدراوە.
لە راگەیەندراوەکەدا هاتوو، ماریا ئالیکیسڤنا کۆمسیۆنی نوسینگەی مافەکانی منداڵانی سەرۆکی ڕوسیایەوە و تۆمەتبارە بە ڕاگواستنی منداڵان و خەڵکی سیڤیل لە ئۆکرانیاوە بۆ ڕوسیا و بە ڕاستەوخۆ و ناڕاستەوخۆ پەیوەندی بەو کارەوە هەیە.
لە مانگی شوباتی ساڵی ڕابردودا جەنگی ڕوسیا و ئۆکرانیا دەستیپێکرد هەرچەندە کۆمەڵگەی نێودەوڵەتی داوای لە سەرۆکی ڕوسیا کرد جەنگەکە بوەستێنێت و دواتر وڵاتە ئەوروپییەکان و ئەمەریکا چەند سزایەکییان بەسەر ڕوسیادا سەپاند بۆ ئەوەی پوتین ناچار بە گفتوگۆ بکەن، بەڵام تا ئێستاش شەڕ بەردەوامی هەیە
