ڕەجەب تەیب ئەردۆغان سەرۆكی توركیا ڕایدەگەیەنێت، ژمارەی قوربانیانی بومەلەرزەكەی شوباتی ڕابردوو كە وڵاتەكەی هەژاند، 49 هەزار گیان لەدەستدان و 115 هەزار برینداری تێپەڕاندووە.
ئەردۆغان لە وتارێكیدا لە لوتكەی نائاسایی وڵاتە توركەكان كە لە ئەنقەرە سازكرا، ڕایگەیاند:”كارەساتە بێ پێشینەكان زیانیان بە 11 پارێزگا گەیاند و زیاتر لە 49 هەزار كەس گیانیان لەدەستدا و زیاتر لە 115 هەزار كەسی تر برینداربوون، لە كاتێكدا 14 ملیۆن كەس بەشێوەیەكی ڕاستەوخۆ زیانیان پیگەیشتووە”.
بە وتەی ئەردۆغان:”حكومەتی توركیا بە زووترین كات ئەو برینانە چارەسەر دەكات كە بەهۆی بومەلەرزەكەوە دروستیكرد”.
سەرۆكی توركیا دەڵێت:”پلانمان هەیە 610 هەزار خانوو دروستبكەین و ڕادەستی خاوەنەكانیان بكەینەوە”.
لە 6ی شوباتی ڕابردوو دوو بومەلەرزە بە گوڕی 7.7. پلە و 7.6 پلە، باشووری توركیا و باكووری سوریایان هەژاند و بوونە مایەی گیان لەدەستدانی دەیان هەزار كەس و برینداربوونی زیاتر لە 100 هەزار كەسی تر، وێڕای داڕوخان و ێرانبوونی لەسەدا 50ی تەلار و باڵەخانەكانی ناوچەكە.
