شەممەی داهاتوو هەڵبژاردەی لاوانی عیراق لە كۆتایی جامی ئاسیا بۆ لاوانی خوار تەمەن 20 ساڵان، ڕووبەڕووی هەڵبژاردەی ئۆزبەكستان دەبێتەوە.
هەڵبژاردەی ئۆزبەكستان لە نیوەی كۆتایی پاڵەوانێتییەكە كە لە تاشقەند بەڕێوەدەچێت، بە پەناڵتی لە هەڵبژاردەی كۆریای باشووری بردەوە، بەر لەوەش هەر لە هەمان قۆناغدا هەڵبژاردەی عیراق لە یارییەكی ماراسۆنیدا بە پەناڵتی لە هەڵبژاردەی ژاپۆنی بردەوە و سەركەوت بۆ یاریی كۆتایی.
لە قۆناغی گروپەكان، هەردوو هەڵبژاردەی عیراق و ئۆزبەكستان ڕووبەڕووی یەكتر بوونەوە و ئەنجامەكە بە گۆڵێكی بێ بەرامبەر لە بەرژەوەندی ئۆزبەكستان كۆتایی هات.
