وەزارەتی ناوخۆی حكومەتی فیدراڵ، دەستگیركردنی كەسێك لە پارێزگای كەركوك ڕادەگەیەنێت كە هەوڵیداوە 400 هەزار دۆلار بەقاچاخ ببات .
بەپێی بەیاننامەیەك كە لەلایەن بەشی كاروباری بازگەكان لە كەركوك بڵاوكرایەوە”مەفرزەكانیان توانییان هەوڵی بەقاچاخبردنی 400 هەزار دۆلاری ئەمریكایی پوچەڵبكەنەوە و ئەو كەسە دەستگیربكەن كە پارەكەى لەنێو ئۆتۆمبێلەكەیدا شاردبۆوە”.
هەر لە بەیاننامەكەدا هاتووە”تۆمەتبارەكە ڕاپێچی بەڕێوەبەرایەتی بنبڕكردنی تاوانە ڕێكخراوەكان كرا، تا ڕێكاریی یاسایی لەدژ بگیرێتەبەر”.
