ڕۆژنامەیەكی ئیسپانی ئاشكرای دەكات، كە بەنزیمە بۆ وەرزی داهاتوو لە ڕیال مەدرید دەمێنێتەوە.
ڕۆژنامەی “مارکا”ی ئیسپانی بڵاویکردەوە، سەرکردەکانی یانەی ڕیاڵ مەدرید قەناعەتیان بەوە هەیە، کە کەریم بنزیمە، هێرشبەری تیپەکە، وەرزی داهاتوو دەمێنێتەوە، سەرەڕای ئەو گومانانەی، کە دوای ئامادەنەبوونی لە زۆرێک لە یارییەکان بەهۆی پێکانەوە سەریهەڵدا.
ڕۆژنامەکە ئاماژەی بەوەشکردووە، بڕیار سەبارەت بەو یاریزانانە دەدرێت، کە لە مانگی نیسانەوە گرێبەستەکانیان تەواو دەبێت، یان لانی کەم لەو کاتەدا ئاگادار دەکرێنەوە.
ئێستا 7 یاریزانی یانەکە پێویستیانە بە دیاریکردنی چارەنووسیانە، هەرچەندە ماریانۆ دڵنیایە لەوەی بەردەوام نابێت.
بێنزیمای تەمەن 35 ساڵ لەم وەرزەدا تووشی زنجیرەیەک پێکان بوو لەسەریەک، ئەمەش کاریگەری نەرێنی لەسەر ئاست و توانای گۆڵکردنی هەبوو. ئەمەش وایکرد ڕیال مەدرید بیر لە جێنشینی هێرشبەرە فەرەنسییەکە بکاتەوە.
لە یارییەکەی لالیگادا بێنزیما دوو گۆڵی لە دوو لێدانی سزا تۆمارکرد، لە بردنەوە مەزنەکەی بەرامبەر ئێلچی بە ئەنجامی 4-0 لە لالیگا، بەمەش ژمارەی هێرشبەرە فەرەنسییەکە بۆ 229 گۆڵ بەرزکردەوە و 228 گۆڵی ڕائول گۆنزالێزی تێپەڕاند و لە لیستی گۆڵکارە مێژووییەکانی یانەی ڕیال مەدرید، لە دوای کریستیانۆ بووە دووەم ڕۆناڵدۆ، بە 311 گۆڵ.
بێنزیما لەم وەرزەدا 27 یاری لەگەڵ یانەی ڕیال مەدرید لە سەرجەم پاڵەوانێتییەکان ئەنجامداوە، لەو ماوەیەدا 18 گۆڵی تۆمارکردووە و پێنج گۆڵی دیکەشی هاوکاری کردووە، بە کۆی گشتی 2291 خولەک ئەنجامدراوە.
