یانەی وەرزشی هەولێر، عەباس عوبێدی وەك ڕاهێنەری نوێ بۆ تیپی تۆپی پێی یانەكە دیاریی دەكات.
بەپێی ڕاگەیەندراوێك كە لەلایەن یانەكەوە بڵاوكرایەوە”ئیدارەی یانەی هەولێر عەباس عوبێدی وەك ڕاهێنەر بۆ تیپی تۆپی پێ دیاریی كرد و هەریەك لە حوسام فەوزی و عەبدولقادر حسێن و جەودەت سلێمانیش یاریدەدەری دەبن”.
لە دوای دۆڕاندنە قورسەكەی هەولێر بەرامبەر بە یانەی سەناعە لە شەشی شوباتی ڕابردوو، عوبێد لە سەركردایەتی تیپەكەدا جێگەی غازی فەهد دەگرێتەوە كە دەستی لەكاركێشایەوە.
یانەی هەولێر لەئێستادا بە 19 خاڵ لە پلەی شازدەی خولی نایابی عیراقدایە.
