بەڕێوەبەرایەتی گشتیی دژەتیرۆر CTG بە هاوبەشی دەزگای دژەتیرۆری عێراق ICTS ئۆپەراسیۆنێكی هاوبەشیان ئەنجامدا.
هێزەكانی سەر بە بەڕێوەبەرایەتی گشتیی دژەتیرۆر CTG لە ئۆپەراسیۆنەكەدا پاڵپشت بە زانیارییە هەواڵگرییەكان، لە گوندی (یارەقون) سەر بە ناحیەی رەشادی قەزای داقوق لە پارێزگای كەركوك، توانرا دوو تۆمەتبار بەناوەكانی (ئـ،ج،ئـ)(ع،ئـ،ج) دەستگیربكرێن.
لە ڕاگەیەنراوەكەی بەڕێوەبەرایەتی گشتیی دژەتیرۆر CTG داهاتووە، تۆمەتبارەكان رادەستی دەسەڵاتیی یاسایی كران بەمەبەستی ئەنجامدانی رێكارە یاساییەكان.
