دەسەڵاتی فڕۆكەوانی مەدەنی عیراق، ئاماژە بە ڕەزامەندی ئەنجومەنی وەزیران دەكات لە دانیشتنی ئاسایی دەیەمی بۆ سەرپشككردنی عیماد عەبدولڕەزاق ئەسەدی سەرۆكی دەسەڵاتی فڕۆكەوانی مەدەنی عیراقی، سەبارەت بە دانوستان و واژۆكردنی پرۆژەی ڕێككەوتنی گواستنەوەی ئاسمانی لەنێوان حكومەتی عیراق و حكومەتی فنلەندا.
بەپێی بەیاننامەیەك كە لەلایەن دەسەڵاتی فڕۆكەوانی مەدەنی عراقییەوە بڵاوكرایەوە”بڕیارەكەى ئەنجومەنی وەزیران بۆ بەخشینی دەسەڵات بە سەرۆكی دەسەڵاتی فڕۆكەوانی مەدەنی، پشتی بە ئەحكامەكانی ماددەی 80/ بەندی شەشەم لە دەستور بەستووە، دەسەڵاتی فڕۆكەوانی مەدەنی عیراقیش بەردەوام دەبێت لە هەوڵەكانی بۆ پەرەپێدانی ڕەوشی فڕۆكەوانی لە وڵات”.
هەر لە بەیاننامەكەدا هاتووە”ئەو هەنگاوە لە چوارچێوەی هەوڵەكاندایە بۆ كرانەوە و بەیەكگەیشتن لەگەڵ وڵاتانی جیهان، لەڕێی كردنەوەی ئاراستەی نوێ بۆ گواستنەوەی نیشتمانی عیراقی، لەپێناو خزمەتكردن بە گەشتیاران”.
