هەردوو وەزیری خوێندنی باڵا و وەزیری كارەبا بەبۆنەی 8ی مارس، ڕۆژی جیهانی ژنانەوە سوپاس و پێزانین ئاڕاستەی فەرمانبەر و مامۆستایانی ژن لەسەر میلاكی وەزارەتەكانیان دەكەن، كە بەهۆیەوە مانگێك سەرمووچەیان پێشدەكەوێت.
بەپێی دوو نووسراو، كە هەریەك لە ئارام محەمەد، وەزیری خوێندنی باڵا و كەمال محەمەد، وەزیری كارەبا دەریان كردووە، بەبۆنەی ڕۆژی جیهانی ژنانەوە، سوپاس و پێزانین ئاڕاستەی فەرمانبەران و مامۆستایانی ژنی سەر بە میلاكی وەزارەتەكانیان دەكەن.
بەپێی یاسای بەرزەفتی فەرمانبەرانی دەوڵەت، لەكاتی ئاڕاستەكردنی سوپاس و پێزانین، سەرمووچەی فەرمانبەر بۆ یەك مانگ پێشدەخرێت.
