وەزارەتی خوێندنی باڵا و توێژینەوەی زانستی بۆ پشووی نەورۆز و بەهار بڕیارێك بۆ خوێندكارانی خوێندنی باڵا لە ئێران دەردەكات و دەڵێت: “ئەو ماوەیەیان بە ماوەی مانەوە بۆ هەژمار ناكرێت”.
بەپێی فەرمانێكی وزاری، كە ئەمڕۆ 7ی ئادار بە ژمارە 4369 بە واژۆی ئارام محەمەد، وەزیری خوێندنی باڵای هەرێم هەژمار كراوە ئاماژە بەوەكراوە، بە ڕەچاوكردنی دۆخی خوێندكارانی هەرێمی كوردستان، كە لە زانكۆكانی كۆماری ئیسلامی ئێران دەخوێنن و بەهۆی یادی نەورۆز و پشووی بەهارەوە پڕۆسەی خوێندن لەو ولاتەدا دەوەستێت، بڕیارماندا خوێندكارانی كوردستان لەماوەی نێوان (15-3-2023 تاوەكو 3-4-2023) بگەڕێنەوە هەرێمی كوردستان.
ئاماژەی بەوەشكردووە، ئەو ماوەیە وەك ماوەی مانەوە هەژمار ناكرێت.
