ئەمساڵیش هاوشێوەی ساڵانی پێشوو قەدەغەی ڕاوی ماسی لە ڕۆژی 5ی ئاداری 2023 دەست پێدەكات تا ڕۆژی 15ی حوزەیران بەرەدەوام دەبێت بەهەموو شێوەیەك ڕاوی ماسی قەدەغەیە، ڕۆژی 16ی حوزەیران ڕاوكردنی ماسی ئاسایی دەبێتەوە.
شوان محەمەد، بەڕێوەبەری پۆلیسی دارستان و ژینگەی هەرێم لەپرێس كۆنفرانسێكدا ئاشكراشیكرد، دیاریكردنی كاتی قەدەغەكردنی ڕاوی ماسی لە 5ی 3ی 2023 یە و هەموو ساڵێك لەكاتی جیاوازدا دیاریدەكرێت، بەهۆی ئەوەی بەڕێوەبەرایەتی گشتی ڤێترنەری كە بەڕێوەبەرایەتی سامانی ماسیان هەیە بە ئامێری تایبەتی خۆیان و پێوەری خۆیان دیاری دەكەن و پشكنین دەكەن.
ڕاشیگەیاندووە، ساڵی رابردوو 130 كەس دەستگیركران بەهۆی راوە ماسیەوە و ئەمساڵیش پلانی باشتریان داناوە بۆ چاودێریكردنی ئەو شوێنانەی پێیان سپێردراوە بۆ پاراستنی سامانی ماسی داناوە.
