ڕۆڵی برنجی پڵاو لە كۆنتڕۆڵ كردنی شەكرە و دابەزاندنی كێش
ژمارەیەكی بەرچاو له هاووڵاتییان بە تایبەت ئەوانەی نەخۆشی شەكرە و كێشەی قەڵەوی و زۆری كێش و كۆمەڵێك نەخۆشی درێژخایەنی تریان هەیە، ئەو پرسیارەیان كردووە كە ئایا لێنانی برنج بە پڵاو دەبێتە هۆی نەمانی نیشاستەكەی ؟ ئەگەر بە پڵاو لێ بنرێت كێشەی نییە بۆ ئەو كەسانە .
– لە ڕووی زانستییەوە لێنانی برنج نابێتە هۆی نەمانی نیشاستەكەی ، بەڵام بڕێكی دیاركراو لە نیشاستەكەی واتە كاربۆهێدراتی ناو برنجەكە لەگەڵ بەشێك لە ڤیتامین و پڕۆتینەكەی دەڕوات نەوەك هەمووی و بەشێكی زۆری دەمێنتەوە دوای فڕێدانی ئاوی یەكەم ، ڕوونتر بڵێین بڕێكی كەمتر لە وزەی تێدایە و لە شیوازەكانی تر باشترە بە مەرجێك زیاتر لە یەك بۆ دوو كەوچك زەیت یان ڕۆنی نەقرچێنرێت بە سەریا و نانەكەی دەوری نەخورێت .
– وەك زانراوە برنجی بۆر یان قاوەیی و دەنك درێژ باشترە لە برنجی سپی و دەنك خڕ .
– ئەوەی گرنگە هەموو هاوڵاتیان بیزانن كە خواردنی قاپێكی بچووك نزیكەی دوانزە كەوچكی چێشت برنجی پڵاو لەگەڵ شلەی سادە و زەڵاتە و سەوزە كاریگەری زۆری نیە لەسەر بەرز بوونەی شەكری ناو خوێن و زیاد بوونی كێش ، ئەوەی كە خراپە ئەوەیە بڕێكی زۆری لێ بخورێت لەگەڵ بڕێكی زۆر لەگەڵ گۆشت یان مریشك یان هەر پەلەورێكی تر .
– واتە كاتێك دەوترێت بە پڵاو بخورێت پێویستە زیادە ڕەووی نەكرێت لە زۆر خواردنی چونكە بەشێكی زۆر لە نیشاستەكەی تیادەمێنێت .
د. كامەران ڕەسوڵ ژاژڵەیی، پسپۆڕی زانستی خۆراك
