وەزارەتی سامانەسروشتییەكانی حكومەتی هەرێم ڕایدەگەیەنێت ، نزیكەی ٣٦٢ هەزار خێزان لە پڕۆسەی وەرگرتنی نەوتی سپی سوودمەندبوون، دەشڵێت،”پڕۆسەی دابەشكردنی نەوت لەناوچە شاخاوییەكان كۆتایی هات و لەشار و شارۆچكەكان بەردەوامی هەیە”.
وەزارەتی سامانە سروشتییەكانی حكومەتی هەرێم ڕایگەیاندووە، لە ئێستادا پڕۆسەی دابەشكردنی نەوتی سپی لە ناوچە شاخاوییەكان كۆتایی پێهاتووە و لە دەوروبەری شار و شارۆچكەكانیش پڕۆسەكە بەردەوامی هەیە.
ئاماژەی بۆ ئەوەشكردووە، كە تا ئێستا ٧٢ ملیۆن و ٢٣١ هەزار و ٣٤٨ لیتر نەوتی سپی، بەسەر هاووڵاتیانی هەرێمی كوردستاندا لە پارێزگا جیاجیاكانی هەرێمی كوردستان دابەش كراوە.
پڕۆسەی دابەشكارییەكەش بەم شێوەیە بووە:
لە پارێزگای هەولێر ٣١ ملیۆن و ٥٠٧ هەزار و ٦٠٠ لیتر دابەش كراوە و ١٥٧ هەزار و ٥٣٨ خێزان لێی سوودمەند بوون.
لە پارێزگای سلێمانی ٢٤ ملیۆن و ٩٧ هەزار و ٨٠٠ لیتر دابەش كراوە و ١٢٠ هەزار و ٤٨٩ خێزان لێی سوودمەند بوون.
لە پارێزگای دهۆك ١٥ ملیۆن و ٩٨٦ هەزار و ٨٠٠ لیتر دابەش كراوە و ٧٩ هەزار و ٩٣٤ خێزان لێی سوودمەند بوون.
لە پارێزگای هەڵەبجەش ٦٣٩ هەزار و ١٤٨ لیتر دابەش كراوە و ٣ هەزار و ١٩٥ خێزان لێی سوودمەند بوون، بەوەش كۆی گشتیی نەوتی دابەشكراو لە هەرێمی كوردستاندا ٧٢ ملیۆن و ٢٣١ هەزار و ٣٤٨ لیتر بووە و ٣٦١ هەزار و ١٥٦ كەس لێی سوودمەند بوون.
پڕۆسەی دابەشكردنی نەوتی سپی لە پارێزگا و دەوروبەری شارەكان بەردەوام دەبێت، تاكوو تەواوی هاووڵاتییان لێی سوودمەند دەبن.
