بەهۆی كاریگەری بڕیارەكانی حكومەتی عێراق بۆ بەرزكردنەوەی بەهای دینار نرخی دۆلار دابەزی و هاوكات بەهۆی پاكێجی نوێی سزاكانی ئەوروپاوە لەسەر ئێران، نرخی تمەن شكانێكی مێژوویی تۆماركرد.
ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، نرخی دۆلار كەمێك ڕووی لە دابەزین كردووە و لە ئێستادا 100 دۆلار بە 152 هەزار و 750 دینار مامەڵەی پێوەدەكرێت.
ڕاشیگەیاند، نرخی تمەن بۆ نزمترین ئاست دابەزیوە و 100 دۆلار بە 5 ملیۆن و 120 هەزار تمەن مامەڵەی پێوەدەكرێت.
شەوی ڕابردوو، محەمەد شیاع سودانی، سەرۆك وەزیرانی عێراق ڕایگەیاند، ڕێوشوێنەكان بۆ سەقامگیركردنی بازاڕی دراو بەردەوامدەبن و جەختیشدەكاتەوە هەر كەسێك هەوڵی شڵەژاندنی بازاڕ بدات لێپێچینەوەی لەگەڵدا دەكرێت.
