جێگری سەرۆكوەزیرانی هەرێمی کوردستان رایگەیاند: نابێت لەوە زیاتر هەڵبژاردن دوا بكەوێت، بەڵام بۆ هاووڵاتیان لە كاتەكەی گرنگتر، بەڕێوەچوونی هەڵبژاردنێكی پاك و بێگەردە.
قوباد تاڵەبانی، لە كۆبوونەوەی لەگەڵ كلاوس شترایشەر، كۆنسوڵی گشتی ئەڵمانیا لە هەرێمی كوردستان، کۆبووەوە و سوپاسی حکومەتی ئەڵمانیای کرد کە بەردەوام لە پرسەکانی چاکسازی و بەدیجیتاڵکردنی کاروباری فەرمانگەکان و کەمکردنەوەی رۆتین و رێکخستنەوەی هێزی پێشمەرگەدا هاوکار و یارمەتیدەری هەرێمی کوردستان بوون.
وتیشی:”نابێت لەوە زیاتر هەڵبژاردن دوا بكەوێت، بەڵام بۆ هاووڵاتیان لە كاتەكەی گرنگتر، بەڕێوەچوونی هەڵبژاردنێكی پاك و بێگەردە”.
