دابەزاندنی خوێندنەوەی دووەم بۆ یاسای هەڵبژاردنی ئەنجومەنی پارێزگاكان لە كارنامەی پەرلەمانی عیراق، هەرای نایەوە.
بە پێی زانیارییەكان، زۆرێك لە فراكسیۆنەكان و هێزە سیاسییەكان، هەمواركردنی پێشنیاركراو بۆ یاسای هەڵبژاردنی ئەنجومەنی پارێزگاكانیان ڕەتكردەوە كە لەسەر بنەمای “سانت لیگۆ” دابەش دەكرێت.
بە گوێرەی هەواڵ، شەڕەقسە لەنێو كافتریای پەرلەمان لەنێوان پەرلەمانتارانی فراكسیۆنە جیاجیاكان لەگەڵ سەربەخۆكاندا دروستبوو لەسەر یاسای هەڵبژاردنی ئەنجومەنی پارێزگاكان كە لە دانیشتنی ئەمڕۆی پەرلەماندا بۆ گفتووگۆ پێشنیاركراوە و بەشێوەیەكی لەناكاویش پەرلەمان خوێندنەوەی دووەمی بۆ كرد.
