وەزیری ژینگە، شارسازیی و كەشوهەوای توركیا، موراد كوروم ئاشكرایكرد، پشكنینی ٩٢٧ هەزار بینا و باڵەخانە لە ناوچەی بوومەلەرزەكە تەواوبووە و ١١٨ هەزار بینا ڕووخاون، پێویستیان بە ڕووخانی بەپەلەیە یان زیانمەندی قورسن.
كوروم لە كۆنفڕانسێكی ڕۆژنامەوانیدا لە غازی عەنتاب ڕایگەیاند، پشكنینی ٩٢٧ هەزار بینا و باڵەخانە لە ناوچەی بوومەلەرزەكە تەواوبووە و ١١٨ هەزار بینا ڕووخاون، پێویستیان بە ڕووخانی بەپەلەیە یان زیانمەندی قورسن.
وتیشی، یەكە نوێیەكانی نیشتەجێبوون لە ناوچەی بوومەلەرزەكە لە ٣-٤ نهۆم بەرزتر نابن، بەپێی پێویستی كولتووریی لەسەر زەوی پتەو درووست دەكرێن.
وەزیری ژینگە، شارسازیی و كەشوهەوای توركیا ئەوەشی وت، “لە ١١ پارێزگا گەورەترین هەڵمەتی مێژووی كۆمار بۆ درووستكردنی یەكەی نیشتەجێبوون لە ناوچەی كارەسات دەستپێدەكەین. كلیلی خانووی پارێزراو ڕادەستی هاووڵاتییانمان دەكەین”.
