سەرەڕای ڕێكارەكانی بانكی ناوەندی و خستنەبازاڕی دۆلار بە بەردەوامی، بەڵام بەهای دۆلار ناجێگیرە و جارێكی دیكە نرخەكەی بەرزبووەوە، هاوكات بەهای تمەنی ئێرانی گەیشتە نزمترین نرخی لە مێژووی خۆیدا.
ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، ئەمڕۆ یەك شەممە نرخی دۆلار لەكاتی كردنەوەی بازاڕدا بە 149 هەزار و 500 دینار مامەڵەی پێوەدەكرا، بەڵام بەردەوام نرخەكەی لە گۆڕانكاری و ناجێگیریدا بوو.
ڕاشیگەیاند، لەكاتی داخستنی بازاڕ لە ئێوارەدا بەهای 100 دۆلار بەرزبووەوە بۆ 153 هەزار دینار و بەو نرخە داخرا.
ئاماژەی بەوەشكرد، نرخی تمەن بەردەوام لە دابەزینە و 100 دۆلار گەیشتە 4 ملیۆن و 900 هەزار تمەن.
