بە بەشداری چەندین سەرۆك و سەرۆك وەزیرانی و سەركردەی وڵاتان ئەمڕۆ كۆنفرانسی ئاسایشی میونشن دەستپێدەكات و تاوەكو 19ی شوبات بەردەوام دەبێت، كە بە گەورەترین سەكۆی گفتوگۆكردنی ئاسایش لە جیهان دادەنرێت.
ئەمڕۆ هەینی 17ی 2ی 2023 بە ئامادەبوونی چەندین سەرۆك و سەرۆك وەزیرانی و سەركردەی وڵاتان لە كۆنفرانسی ئاسایشی میونشن دەست پێدەكات و تاوەكو 19ی شوبات بەردەوام دەبێت و لە عیراق و هەرێمی كوردستان محەمەد شیاع سودانی، سەرۆك وەزیرانی عێراق و نێچیرڤان بارزانی، سەرۆكی هەرێمی كوردستان بەشداری تێدا دەكەن .
لە كۆنفرانسی ئاسایشی میونشن ی ئەمجارە زیاتر لە 40 سەرۆك و سەرۆك وەزیران و90 وەزیری دەرەوەی وڵاتانی ئەوروپا و ئەمریكا و ئاسیا و رۆژهەڵاتی ناوەڕاست و ئەفریقا و ئەمریكای لاتینی بەشدارن و كۆنفرانسە بە گەورەترین سەكۆی گفتوگۆكردنی ئاسایش لە جیهان دادەنرێت و تاوەكو ئێستا چەندین رێككەوتنی ئاسایش و دیپلۆماسیی جیهان لەوێوە كراون.
بە پێی زانیارییەكان، نێچیرڤان بارزانی، سەرۆكی هەرێمی كوردستان لەگەڵ ژمارەیەك بەرپرسی بەشدار لە كۆنفرانسەكە كۆببێتەوە.
