کەشناسی هەرێم رایگەیاند، پێشبینى دەکرێ لە دوای نیوە شەو تا سبەى بەیانى زوو نزمترین پلەکانى گەرما لە ناوچە شاخاویەکان زیاتر دابەزێت بە بەراورد لە گەڵ نزمترین پلەکانى گەرماى ئەمڕۆ و ئەمشەو ساردترین شەو دەبێت تاوەکو ئێستا.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە، شەختە لەو شوێنانەى تەڕ و شێ دارن دروست دەبێت و ئەمشەو ساردترین شەو دەبێت تاوەکو ئێستا.
لە سەنتەرى شارەکان نزمترین پلەکانى گەرما پێشبینى دەکرێ بەم شێوەیەى خوارەوە بێت :-
هەولێر -2 پلەى سیلیزى
سلێمانى -3 پلەى سیلیزى
دهۆک -3 پلەى سیلیزى
هەلەبجە -2 پلەى سیلیزى
کەرکووک و ناوچەکانى گەرمیان لە نێوان (-1 و0) پلەى سیلیزى دەبێت
