كۆمپانیای دانە غازی ئیماراتی ئاستی بەرهەمهێنانی غاز لە هەرێمی كوردستان ئاشكرادەكات و دەڵێت گەیشتووەتە ئاستێكی پێوانەیی و ڕۆژانە 500 ملیۆن پێ سێجا غاز بەرهەم دەهێنرێت.
بەپێی ڕاگەیەندراوێك كە لەلایەن كۆمپانیای دانە غازی ئیماراتییەوە بڵاوكرایەوە”هەرێمی كوردستان لە مانگی كانووی دووەمی ساڵی 2023وە، ڕۆژانە 500 ملیۆن مەتر سێجا غازی سروشتی بەرهەمهێناوە، لە ساڵی ڕابردووشدا كۆمپانیاكە 182 ملیۆن دۆلاری لە هەرێمی كوردستان قازانج كردووە”.
هەر لە ڕاگەیەندراوەكەی دانە غازدا هاتووە”لەساڵی 2022، بە بەراورد بەساڵی 2021، داهاتی كۆمپانیاكە بەرێژەی %53 زیادیكردووە”.
