بەهۆی زۆری بەفربارینەوە هاتووچۆ لە دەروازەی نێودەوڵەتی حاجی ئۆمەران راگیرا.
سیروان حسێن، وتەبێژی دەروازەی نێودەوڵەتیی حاجی ئۆمەران رایگەیاند، بەهۆی بەفربارینی زۆر لە دیوی ئێرانەوە هاتووچۆ لە دەروازەکە بەتەواوی راگیراوە بەڵام لە هەرێمی کوردستانەوە کێشەی نییە و هاتووچۆ ئاساییە.
ماوەی چەند رۆژێکە شەپۆلێکی بەفر و باران شارەکانی هەرێمی کوردستانی گرتووەتەوە و لە چەند شوێنێک ئاستەنگی هاتووچۆ دروست بوو.
