لەگەڵ بڕیارەكەی ئەنجوومەنی وەزیرانی عێراق بۆ دابەزاندنی بەهای 100 دۆلار بۆ 130 هەزار دینار، نرخی دۆلار بەشێوەیەكی بەرچاو ڕووی لە دابەزین كرد و بەردەوام لە دابەزینی زیاتردایە.
دوانیوەڕۆی ئەمڕۆ لەگەڵ بڕیارەكەی ئەنجوومەنی وەزیران بۆ پەسەند كردنی پڕۆژەكەی بانكی ناوەندی بۆ دابەزینی بەهای دۆلار، نرخی 100 دۆلار لە بۆرسەی بەغدا بۆ 144 هەزار دینار دابەزی.
ئارام سەردار، پەیامنێری (خەڵك) لە هەولێر ڕایگەیاند، لە ئێستادا دۆلار ڕووی لە دابەزینە و 100 دۆلار بۆ 145 هەزار دینار شكاوە.
هاوكات، ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، بەهای 100 دۆلار بۆ نزیكەی 151 هەزار دینار دابەزیوە.
