دوای بوومەلەرزەكەی باكوور و ڕۆژئاوای كوردستان كە بەهۆیەوە هەزاران كەس گیانیان لەدەستداو هەتا دێت ئاماری قوربانیان و بێلانەبوونی هاووڵاتییان زیاتر دەبن، لە شاری سلێمانی كەمپینێك بۆ هاوكاریكردنی لێقەومان ڕادەگەیەندرێت.
ئەمڕۆ سێشەممە، 7\2\2023 لە ئەمنە سورەكەی شاری سلێمانی لیژنەیەك لە یەكێتی وەبەرهێنان، ژووری بازرگانی، قائیمقامیەت، هاوردەوهەناردەكاران، ڕێكخراوەكان و كەناڵەكانی ڕاگەیاندن، لیوای یەكی سلێمانی لە كۆبوونەوەدان بۆ تاوتوێی ڕاگەیاندنی كەمپەینێكی گەورە
كەمپەینەكە بەناوی “هاوخەمتانین” ڕادەگەیەندرێت، پارێزگاری سلێمانی و ئەوقاف و زانایانی ئاینی و زۆرێك لە كەسایەتییەكانشی تێدایە و كۆمەك و هاوكاری بۆ لێقەوماوانی بومەلەرزەكانی باكوور و ڕۆژئاوای كوردستان كۆدەكرێتەوە.
دوێنێ دووشەممە، 6\2\2023، بوومەلەرزەیەك بە گوڕی 7. 8 پلە بەپێوەری ڕێختەر پارێزگای مەڕەشی گرتەوە و بەپێی دوایین ئامار ژمارەی گیانلەدەستدان بەهۆی بوومەلەرزەكەی باكووری كوردستان و توركیا، رۆژئاوای كوردستان و سووریا گەیشتە چوار هەزار و 365 كەس و تەندروستیی جیهانیش پێشبینی دەكات 20 هەزار كەس گیانیان لەدەستدابێت، لەكاتێكدا هەڵمەتی رزگاركردن بەردەوامە.
